Nuk i pëlqen penalltia e akorduar në favor të skuadrës kundërshtare dhe e kthen ndeshjen e futbollit në një ndeshje futbolli amerikan. Sasho Alexandrov, mbrojtësi i Cherno More Varna është autori i një gjesti të shëmtuar anti-sportiv gjatë ndeshjes kundër Levski Sofia.
Mbrojtësi humbi kontrollin në momentin kur gjyqtari i ndeshjes jep një penallti për Levskin, e cila ishte tashmë në avantazh të trefishtë.
Ai godet me shpatull arbitrin, i cili rrëzohet në tokë por kur ngrihet i tregon Alexandrov kartonin e kuq. Ai është dënuar me 6 ndeshje pezullim dhe 1300 euro gjobë.
