Meshkujt ndonjëherë bëjnë veprime të çuditshme, thjesht për të qeshur. Por kur një prej tyre hyri në tualet dhe gjeti një test shtatzënie të pahapur të ish-të dashurës së tij, vendosi që ta përdorte.
Por ja që buzëqeshja, citon alb-observer.com i ngriu në buzë, pasi testi i tregoi që ai ishte… shtatzënë! Po ishte me të vërtetë apo diçka nuk shkonte me testini?
Këtë histori të çuditshme e postoi në faqen Reddit një përdorues i tij në formë komiks, pasi iu duk shumë qesharake.
Por ja që rezultatet e testit nuk ishin për të qeshur. Përdoruesit e faqes i thanë se kur një mashkull bën test shtatzënie dhe del pozitiv, atëherë duhet të ekzaminohet urgjentisht për kancer.
Testet e shtatzënisë janë të ndërtuara në një formë të tillë që të masin në urinë sasinë në rritje të një hormoni të caktuar (hCG). Nëse ky hormon është i rritur edhe tek meshkujt, atëherë dyshohet se mund të vuajë nga kanceri.
Disa ditë më vonë, i njëjti përdorues postoi edhe një komiks tjetër ku thoshte se mashkulli në fjalë ishte një mik i tij i cili pas këtyre këshillave shkoi menjëherë tek mjeku dhe parandaloi më të keqen.
